تاند:(شنبه، د میزان ۱۵مه) د طالبانو بهرنیو چارو وزارت وایي، چې په هسپانیا کې د افغانستان سفارت ورسره تعامل کړی.
دغه وزارت په یوه خپره کړې اعلامیه کې هسپانیا مېشتو افغانانو ته خبر ورکړی، چې یاد شوی سفارت د دوی د رژیم استازیتوب کوي او دوی کولای شي، چې د افغانستان له بهرنیو چارو وزارت څخه د تصدیق لپاره خپل اسناد نوموړي سفارت ته وسپاري.
په هسپانیا کې د افغانستان سفارت په دې اړه څه نه دي ویلي.
تر دې مخکې تېره اوونۍ په هالنډ کې هم د افغانستان سفارت د طالبانو بهرنیو چارو وزارت سره تعامل کړی و.
په وروستیو کې له طالبانو سره د افغانستان د هغو سفارتونو او دیپلوماتیکو نمایندګیو شمېر نږدې ۲۰ ته رسیدلی، چې د طالبانو رژیم سره تعامل لري.
له دې سره، لا هم د نړۍ هېڅ هېواد د طالبانو رژیم په رسمیت نه پېژني.
تعمل له ناروغ او جاهل سره کیږي. که طالب خبیث په دې ویاړي دا ددوۍ لپاره لوی شرم ده دمګر طالب او شرم یې سره کله سي اورتې ورنه پنجابي یرغمل کړې 😡