تاند (چهارشنبه، د میزان ۵ مه) د عراق په شمال کې په یوه واده کې د اور لګېدو په پېښه کې تر ۱۰۰ ډېر کسان مړه شوي دي.
د عراق دولتي رسنیو د چارواکو په قول ویلي چې دا پېښه هغه مهال وشوه چې د واده برخوالو په سالون کې اورلوبه کوله.
دا پېښه د عراق د موصل په ختیځ کې په جمدانیه سیمه کې شوې ده چې اکثره اوسیدونکي یې مسیحیان دي.
ویل کېږي چې د واده سالون له داسې موادو جوړ شوی و چې په اسانه یې اور اخیست.
ویل کېږي چې په وژل شویو کسانو کې زوم او ناوې هم شامل دي.