تاند (یکشنبه، د میزان ۲ مه) د سعودي عربستان د بهرنیو چارو وزیر فیصل بن فرحان بن عبدالله آل سعود غوښتنه وکړه چې په افغانستان کې دې نجونو او ښځو ته د کار او زده کړو اجازه ورکړل شي.
ده چې د ملګروملتو د عمومي اسمبلۍ ۷۸ غونډې ته وینا کوله، وویل:«موږ د ښځو او نجونو د زده کړو د حق او د ټولو افغانانو د بشري حقونو د درناوي غوښتنه کوو.»
فرحان د افغانستان سوله او ثبات مهم وباله او یادونه یې وکړه چې افغانستان باید د ترهګرو پر پناهځای بدل نه شي.
ده همداراز په افغانستان کې د ناوړه بشري وضعیت او د افغانانو د کړاوونو د مخنیوي لپاره د نړیوالو د ملاتړ غوښتنه وکړه.
«موږ له سیمې او نړۍ غواړو چې د افغانانو د کړاوونو د کمېدو لپاره بشري او اقتصادي مرستې زیاتې کړي.»
د سعودي عربستان د باندنیو چارو وزیر په افغانستان کې له واکمنو طالبانو په کلکه وغوښتل چې نحونو ته د زده کړو او ښځو ته د کار اجازه ورکړي.
کنز به هرڅه وایی ، که ملا شاګل یې ومني