تاند: (سې شنبه، د زمري ۲۴ مه ) د طالبانو د لوړو زده کړو وزیر شېخ ندا محمد ندیم نن په کابل پوهنتون کې د طالبانو د رژیم د بیا واکمنیدو دویمه کلیزه نمانځلې ده.
هغه په دې اړه جوړو شویو مراسمو کې د پوهنتون له استادانو او محصلانو غوښتي، چې د رژیم دفاع او ملاتړ یې وکړي.
نوموړي او نورو ویناوالو یې په دې غونډه کې د خپل رژیم او جنګیالیو ستاینې کړي او غوښتنه یې کړې، چې نور خلک هم ورسره او ملاتړي یې شي.
د طالبانو له بیا واکمنیدو سره، دوی بیا- بیا په کابل پوهنتون کې ورته سیاسي- تبلیغاتي غونډې کړي.
څو ورځې مخکې د افغانستان تحلیلګرانو شبکې په یوه راپور کې وویل، چې طالبان د افغانستان په تحصیلي نظام او پوهنتونونو کې په فکري جګړې بوخت دي.
د طالبانو منتقدان هم دوی تورنوي، چې تحصیلي مرکزونه یې په مدرسو بدل کړي او د محصلانو تحصیلي او علمي فرصتونه په تبلیغاتي شیانو ضایع کوي.
فعلاً دا کابل پوهنتون په غوجله بدل شوی او ندیم لکه ځان غوندی خر خپل شا او خوا راټول کړی دې. فعلاً د افغانستان تعلیمی او اکادمیکی مرکزونه د ځناور تم ځای ګرځیدلی دی