تاند: ( شنبه، د زمري ۱۴ مه ) له بېلابېلو ولایتونو څخه د تاند سرچینې وایي، چې نن شپه شاوخوا اته نیمې بجې یوه نسبتاً چټکه زلزله محسوسه شوې ده.
دا زلزله، د افغانستان د پلازمېنې ترڅنګ په ختیزو، سویل ختیزو او یو شمېر شمالي ولایتونو کې شوې ده.
د زلزلې پېژندلو ادارو په دې اړه تراوسه څه نه دي ویلي.
ګومان کیږي، چې د زلزلې شدت ته په کتو سره به، د زلزلې مرکز بیا هم بدخشان ولایت وي.
تراوسه د زلزلې د احتمالي زیانونو په اړه څه نه دي ویل شوي.
افغانستان شاوخوا یو کال وړاندې په پکتیکا او یو شمېر نورو سیمو کې سخته زلزله لرله، چې تر سلو زیات کسان پکې مړه شول.