تاند: ( شنبه، د زمري ۱۴ مه ) تورخم کې نن د پاکستاني عسکر او افغان سرتیري ترمنځ لفظي شخړه رامنځته شوه، چې پایله کې یې پاکستاني لوري دروازه تړلې وه.
د تورخم لپاره د طالبانو د رژیم کمیسار ویلي، نن د ورځې ۲:۴۰ بجې وروسته بېرته دغه لار د پاکستاني لوري سره تر خبرو وروسته پرانیستل شوه.
سرچینه زیاتوي:« یاده لفظي شخړه د یو افغن ماشوم پر سر رامنځته شوې، چې پاکستاني عسکر له لوري سخت وهل شوی و.»
مسوولینو ویلي، چې د تورخم کمیسار او پاکستاني لوري ترمنځ خبرې – اترې وشوې، چې په پایله کې یې اوس یاده دروازه د هر ډول تګ – راتګ پر وړاندې عادي حالت ته ګرځېدلې ده.
په تورخم او سپین بولدک کې مخکې هم د پاکستاني او طالب لوري ترمنځ ورته ناندرۍ شوې وې، چې تر ډېره یې دلیل د پاکستاني عسکرو له لوري د افغان مساپرو پر وړاندې ناوړه چلند و.