تاند: ( چار شنبه، د سرطان ۲۸ مه) په کابل کې د طالبانو واکمن رژیم، د امنیتي اندېښنو له امله د اهل تشیعو لخوا د محرم د لسمې یا عاشورا ورځې د نمانځلو مراسم محدود کړي.
د طالبانو د رژیم ویاند ذبیح اله مجاهد ویلي، چې د شیعه هېوادوالو د مذهبي مراسمو ازادي پر خپل ځای ده او امنیتي ادارو ته ورته امنیتي تدابیر زیات کړي دي.
مجاهد زیاتوي، چې پر مراسمو د محدودیت دلیل، د بشپړ امنیت او احتیاطي تدابیرو لپاره دی.
د افغانستان د شیعه عالمانو شورا په یوه اعلامیه کې غوښتنه کړې، چې د عاشورا مراسم دې په کابل او ولایتونو کې د تېرو کلونو په څېر شاندار او پراخ وي.
مخکې داعش ډله، چې طالبان یې په افغانستان کې د فعالیتونو پراختیا ردوي، وخت په وخت پر افغان شیعه ګانو او اړوندو مراسمو یې له تلفاتو ډک بریدونه کړي وو.