تاند: ( دوشنبه، د سرطان ۲۶ مه) د پاکستان په پلازمېنه اسلام اباد کې د ترانز – افغان ریل پټلۍ پروژې په اړه د درې اړخیزو مذاکراتو خبر ورکړل شوی.
په دې مذاکراتو کې د پاکستان ترڅنګ د ازبکستان او په افغانستان کې د طالبانو د حاکم رژیم استازي برخه لري.
طالبانو ویلي، چې د افغانستان د اوسپنې پټلۍ ادارې لپاره د دوی رییس ملا بخت الرحمن شرافت له پاکستاني او ازبکستاني چارواکو سره د یادې پروژې په اړه د خبرو لپاره پاکستان ته تللی دی.
ویل شوي چې د دغې پروژې تخنیکي اړخونه به په درې اړخیزه غونډه کې وڅیړل شي.
تردې مخکې تیره اونۍ د هرات – خواف د اوسپنې پرپټلۍ د سوداګریزو توکو لیږد رالیږد پیل شو.
دغه ۲۲۵ کیلومتره پټلۍ هرات د ایران له خواف سره نښلوي.
طالبان په دې برخه کې د جدي هڅو خبر ورکوي.
پدی برخه کی آیا طالبان ماهره مسلکی کسان لری یا ملا به هم د ریل د پتلی تخنیکی انجنییر وی ـ