تاند: ( پنجشنبه، د سرطان ۲۲ مه) د فریډم نو په نوم د بشري حقونو امریکا مېشتي سازمان له طالبانو د ( قلم لار) تعلیمي ټولنې د مسول مطیع والله ویسا او نور مدني فعالان له بنده خوشې کړي.
دغه سازمان وايي، څلور میاشتې کیږي چې ویسا په ناحقه د طالبانوله خوا نیول شوی دی.
د ویسا او یو شمیر نورو فعالانو خپلوان وایي، چې طالبانو سره د بندي شویو دغو کسانو په برخلیک نه پوهیږي.
تعلیمي فعال مطیع الله ویسا، شاعر او انځورګر حسیب احراري، افغاني الااصله فرانسوي خبریال مرتضی بهبودي او یو شمېر نور کسان له څو میاشتو راهیسې طالبانو بندیان کړي، چې د برخلیک په اړه یې طالب ویاندویان خبرو ته نه حاضریږي.