تاند (چهارشنبه، د جوزا ۲۴مه) د ملګروملتو د ماشومانو د ملاتړ اداره، یونسیف وايي، د سږ کال یوازې په اپریل میاشت کې یې تر ۴۸ زره ۸۰۰ ډیر افغان ماشومان، چې په خوارځواکۍ اخته وو، تداوي کړي دي.
یونسیف نن پر خپله ټویټرپاڼه کښلي چې د دغو ماشومانو په سلو کې تر ۵۶ ډیرې نجونې دي.
یونسیف همداراز ویلي چې د سږ کال د اپریل تر میاشتې پورې یې تر پنځو کلونو کشرپه خوارځواکۍ اخته دیارلس لکه افغان ماشومان تداوي کړي دي.
In April, UNICEF treated more than 48,800 children for severe acute malnutrition. Over 56% of these children were girls.
For these children, and for others at risk of malnutrition, flexible contributions like the recent combined €4 million from @francediplo are life-saving. pic.twitter.com/WilyoTXLO3
— UNICEF Afghanistan (@UNICEFAfg) June 14, 2023
د ملګروملتو د ماشومانو د ملاتړ دا اداره همداراز وايي چې په افغانستان کې پر خوارځواکۍ سربېره د خوړو کموالی او کار هم افغان ماشومان ګواښي.
دې ادارې تر دې وړاندې ویلي و چې په افغانستان کې نیمايي ښځې او نجونې په خوارځواکۍ اخته دي.
د یونسیف پر اساس، لږترلږه ۹۰ سلنه افغانان د سختې بیوزلۍ په درشل کې دي خو تر ټولو زیاته سختي د ماشومانو ده.
د یونسیف استازي مخکې ویلي و، سره له دې چې په افغانستان کې جګړه درېدلې خو د ماشومانو حقونه په وحشتناک ډول تر پښو لاندې کېږي.
Unsafe migration. Family separation. Detention. Injuries from unexploded ordnances. School dropout.
In Afghanistan, 1 in 5 children is engaged in child labour, often caused by one or more of these linked issues.
No matter the cause, UNICEF aims to #EndChildLabour in all forms. pic.twitter.com/Zlh9qSMvgL
— UNICEF Afghanistan (@UNICEFAfg) June 12, 2023