تاند- په یوه نوې څېړنه کې څرګنده شوې چې په یوې ګولۍ په لومړیو پړاوونو کې د سږو سرطان مخه نیول کېدای شي.
د استرازینکا (AstraZeneca) له لوري د دې څېړنې پر اساس، چې پایلې یې له څو کلونوخواریو وروسته څرګندې شوي، د سږو سرطان جراحي عملیاتو ته اړتیا نه لري خو شرط دا دی چې په لومړیو پړاوونو کې یې د ورځې یوه (Osimertinib) ګولۍ وخوړل شي.
دا ګولۍ د استرا زینیکا کمپنۍ له لوري د (Tagrisso) په نوم پلورل کېږي.
دا درمل د امریکا او اروپايي اتحادیې له لوري تایید شوی خو ډاکتران لا هم وايي چې دوی کره شواهدو ته اړتیا لري چې وښيي د ورځې یوه (Osimertinib) ګولۍ د سږي د سرطان درملنه کوي.
خو د څېړنې مشر ډاکتر روی هیرسټ وايي چې د دې ګولۍ اغېز د هغه څه دوه برابره دی چې دوی اټکل کاوه.
دا ګولۍ د نړۍ په بیلابیلو هیوادونو کې د سږي د سرطان پر ۶۸۲ ناروغانو تجربه شوې او هغوی ته د ورځې یوه (Tagrisso) د درو کلونو په مخه ورکړل شوې چې پر ټولو یې اغېز مثبت و.