تاند:( سې شنبه ، د جوزا ۲۳ مه ) هندي رسنۍ وایي، دغه هېواد په پام کې لري چې د چابهار بندر له لارې ۲۰ زره ټنه نور غنم هم افغانستان ته ولېږدوي.
د ټایمز آف انډیا خبري آژانس راپور ورکړی، چې د پاکستان له لارې افغانستان ته د ۴۰ زره ټنه غنم له لېږلو وروسته به د هند حکومت د ایران د چابهار بندر له لارې افغانستان ته ۲۰ زره ټنه نور غنم هم ورکړي.
تمه کېږي، چې په لومړۍ جوپه کې د څه باندې ۲۵۰۰ ټنه غنم روانه اوونۍ د چابهار بندر له لارې هرات ته راورسېږي.
د یادونې وړ ده، چې دا په روان کال کې د هند له خوا افغانستان ته د خوراکي توکو لومړۍ جوپه ده.
څو ورځې مخکې، د افغانستان لپاره د ملګرو ملتونو ځانګړې استازې د طالبانو د ریاست الوزرا سرپرست مولوي عبدالکبیر سره د لیدنې پر مهال ویلي وو، چې له چین او هندوستان څخه یې افغان کروندګرو سره د مرستې غوښتنه کړې ده.
هندي چارواکو د تازه اعلان شوې مرستې په اړه څه نه دي ویلي.