تاند:( سې شنبه ، د جوزا ۹ مه ) د کابل ښار یو شمېر اوسیدونکو تعلیمي کورسونو ته د پېغلو نجونو پر ورتلو د بندیز خبر ورکړی.
څو باوري سرچینو تاند وېب پاڼې ته وویل، چې دغه بندیز تازه د طالبانو د رژیم د امربالمعروف وزارت د یوه مکتوب له استولو سره لګولی دی.
د یوه تعلیمي مرکز زده کوونکې تاند ته وویل، چې د کورس مسوولینو ورته د امربالمعروف ادارې په امر د پېغلو نجونو د نه ورتلو پریکړه اورولې ده.
طالبانو د دغې پریکړې په اړه رسماً څه نه دي ویلي.
تر دې مخکې طالبانو د ښوونځي له شپږم ټولګي پورته، نجونو ته د زده کړو بندیز اعلان کړی او ویلي، چې تر نامعلومې مودې به نجونې ښوونځیو او پوهنتونونو ته نه ځي.
د دوی دا پریکړې په ملي او نړیواله کچه توندو غبرګونونو سره مخامخ شوي دي.
دو پوکستانیانو سپی دو
دو هغو مولیانو امر پرځای کوی