پنجشنبه, جولای 25, 2024
Homeخبرونهد ملا برادر دفتر: د سلګونه میلیونه افغانیو پروژې مو منظور کړې

د ملا برادر دفتر: د سلګونه میلیونه افغانیو پروژې مو منظور کړې

تاند:( یکشنبه ، د جوزا ۷ مه ) د طالبانو د ریاست‌الوزراء د اقتصادي مرستیال ملا عبدالغني برادر اخوند په مشرۍ د دوی د تدارکاتو کمېسیون نوبتي غونډه ترسره شوه.

د ملا برادر دفتر وایي، په یاده نوبتي غونډه کې له اجنډا سره سم پر ۲۴ پروژو مفصل بحث وشو، چې د ۹پروژو قراردادونه یې منظور،  د ۲ پروژو قراردادونه لغوه او د پاتې نورو پروژو په اړه ګډو کمېټو ته دنده وسپارل شوه، څو یې  تخنیکي ارزونه ترسره او خپل راپور  د تدارکاتو کمېسیون راتلونکې غونډې ته وړاندې کړي.

سرچینه له ډېرو جزیاتو پرته وایي، په منظور شوو پروژو کې د کانونو او پټرولیم وزارت، لوړو زده کړو وزارت، ټولګټو چارو وزارت، پوهنې وزارت، افغان ملي بانک، د افغانستان برښنا شرکت او کابل ښاروالۍ بېلابېلې پروژې شاملې دي، چې ټولیز ارزښت یې سلګونو میلیونو افغانیو ته رسېږي.

LEAVE A REPLY

Please enter your comment!
Please enter your name here

- Advertisment -

ادب