تاند:( دوشنبه ، د جوزا لومړۍ ) په کابل کې د ایران سفارت وایي، چې په افغانستان کې د خوړو د نړیوال پروګرام استازي ترې له هند څخه افغانستان ته د بشري مرستو د لېږد په برخه کې د همکارۍ غوښتنه کړې ده.
سرچینه وایي د همکارۍ دغه غوښتنه د یاد شوي نړیوال سازمان استازي نن د ايران د سفارت له مرستيال سيد حسن مرتضوي سره په ليدنه کې کړې ده.
د ډبلیو ایف پي استازي په دې کتنه کې ویلي، چې ایران دې د چابهار بندر او بیا د «خف» له لارې د افغانستان خلکو ته د هند د مرستو د لېږد په برخه کې لازمې مرستې وکړي.
ویل شوي، چې یادې مرستې به د هرات ریل پټلۍ له لارې ولېږدول شي.
په وروستیو کلونو کې له افغانستان سره د هند مرستې د پاکستان له لارې کېدې چې له ډېرو ستونزو سره مخ وې.
باید وسي ښه خبر ده ایران بیاهم نسبت پاکستان ته ښه دی
د چا بهار او بیا د خواف له لارې چې دایرانې خوا ته د اسلام کلا په مقابل کې پروت دی ، ولېږدول شي .