تاند:( دوشنبه ، د جوزا لومړۍ ) د کندهار په خاکرېز ولسوالۍ کې د راکټ سرګلولې د چاودنې له امله یو ماشوم وژل شوی او ۲ نور ټپيان دي.
ځایي سرچینو ویلي، چې دا پېښه د سرګاو کارېز په سیمه کې رامنځته شوې ده.
سرچینو د یادو ماشومانو د کورنیو او اقتصادي وضعیت په اړه څه نه دي ویلي.
د طالبانو له بیا واکمنیدو سره افغانستان بېساری بشري او اقتصادي ناورین زغمي، چې له امله یې ماشومان هم سخت اغېزمن شوي.
د ماشومانو د ملاتړو بنسټونو د معلوماتو له مخې، ډېری افغان ماشومان د بېوزلۍ له امله د زړو اوسپنو ټولولو ته اړ وتي، چې د داسې پېښو سبب کیږي.