تاند:( دوشنبه ، د جوزا لومړۍ ) د کندهار د میرویس نېکه د عالي لېسې یو شمېر زده کوونکي نن له دې امله کلنۍ ازموینې ته نه دي پریښودل شوي، چې وایي سپینې خولۍ یې نه لرلې.
ځینو زده کوونک رسنیو ته ویلي، چې د ښوونځي د مسوولینو له لوري له دروازې شړل شوي او ښوونځي ته د ورتلو اجازه نه ده ورکړل شوې.
د طالبانو ځایي چارواکو په دې اړه څه نه دي ویلي.
طالبانو په ښوونیز نظام کې نه یوازې پر نجونو له شپږم ټولګي څخه پورته زده کړې بندې کړي؛ بلکې پر هلکانو یې هم قیودات لګولي، چې سختو نیوکو سره مخ شوي دي.