تاند:( چار شنبه ، د غویي ۲۷ ) د ترکمنستان د بهرنیو چارو وزارت د بشري مرستو په دوام د افغانستان هرات ولایت د تورغونډۍ ولادي روغتون ته د درېیو ښځینه ډاکټرانو د استولو اعلان وکړ.
سرچینې ویلي، د روانې میاشتې تر پایه به درې ښځینه ډاکټرانې یې د هرات په تورغونډۍ روغتون کې روغتیايي خدمات وړاندې کړي.
د ترکمنستان د بهرنیو چارو وزارت دا هم ویلي، چې د مۍ په ۱۳مه یې د یوه بشري اقدام په ترڅ کې د تور غونډۍ ولادي روغتون ترمیم کړ او طبي مرکز ته یې د تجهیزاتو او درملو مرسته وکړه .
ترکمنستان زیاتوي، چې په افغانستان کې به خپلو بشري مرستو ته دوام ورکړي.
د غونډۍ زېږنتون روغتون د ترکمنستان سره په پوله د هرات ولایت په کشک ښار کې موقعیت لري، چې د ۲۰۱۵ کال د جون په ۱۶ د عشق آباد د بشري مرستو په همکارۍ جوړ او ګټې اخیستنې ته وسپارل شو.
طالبانو له بیا واکمنیدو سره په افغانستان کې نجونو ته د ښوونځیو له شپږم ټولګي پورته د زده کړو اجازه نه ده ورکړې.
دوی دغه راز پر ښځینه کارکوونکو د کار بندیز لګولی او پر ښځینه ډاکټرانو یې هم سخت قیودات لګولي، چې ویل کیږي له دې امله ډېرو ښځینه ډاکټرانو دندې پریښي یا نورو هېوادونو ته تللي.
کوم ژوند او نظام چي طالبان یی د افغانانو د پاره غواړی په اوسنۍ نړۍ کی ممکن ندی باید د مغارو
دور ته په کامل وحشت ، رجعت وکړی هغه هم ما قبل اسلام ته ۰
ځکه دوی یعنی د پروژی قراردادیان خپلی کورنۍ ، افغانستان ته نه راولی ؛نو دلته حسب قرارداد یواځې جنګی طالبان روزل کیږی د ملا باقی او ملا ندیم ورانکاری همدا خیانت تاییدوی ؛ نور انسانی
مایحتاج ته به ترکمنستان او نورو شفقت او ترحم ته به دا مومن ملت انتظار باسی ، که خدای نخواسته همداسی پاتی شی ،افغانستان به یواځنی ، فارم وی د جنګی موجوداتو د منطقی د نا کرارۍ او د اصحاب دولار د غوبل لپاره په منطقه کی؛ نور د آی اِس آی ټول فارمونه به دلته فعال وی
او دا فارمونه د جهاد غلو او بقالانو او هغه جنرالانو ته مبارک شه چي څلویښت کاله یی د غلا د پاره ملت وواژه او ملک یی وران کړ ۰
الا لعنت الله علی الکاذبین ۰ صدق الله العظیم و هو عزیز ذو انتقام