تاند:( یکشنبه ، د غویي ۱۰ )  په کابل کې د چین سفارت د مۍ له ۳مې د ویزو صادرول بیا پیلوي.

د طالبانو د رژیم بهرنیو چارو وزارت ویلي، چې د یادو ویزو غوښتونکي په انلاین ډول د یاد شوي سفارت په وېب پاڼه کې خپلې غوښتنې جمع کولای شي.

چین او ډېرو نورو هېوادونو د طالبانو له بیا واکمنیدو وروسته، په کابل کې د خپلو سفارتونو له لارې د ویزو وېش درولی و.

یو شمېر خلکو، په ځانګړي ډول سوداګرو د چین د ویزو په بیا پيل خوښي ښودلې ده.

د طالبانو د رژیم د نه په رسمیت پېژندل کیدو له امله، ډېرو هېوادونو افغانانو ته د ویزو ورکړه ودرولې، چې خلک یې ګڼو ستونزو سره مخ کړي دي.