تاند:( یکشنبه ، د غویي ۱۰ ) د افغانستان په اړه د ملګرو ملتونو د سرمنشي په مشرۍ د قطر د سبانۍ غونډې له بلل کیدو سره هم مهاله، د طالبانو پر رژیم نړیوال فشارونه زیات شوي.
د ملګرو ملتونو سرمنشي انټونیو ګوټرش نن پر خپله ټوېټرپاڼه لیکلي چې افغانان بېړنیو بشري مرستو ته اړتیا لري او د بشري مرستو د وېش په بهیر کې د ښځو حضور اړین دی.
هغه یو ځل بیا له طالبانو غوښتي، چې د ښځو د کار پر ضد خپل افراطي بندیزونه بیرته واخلي.
طالبانو وار د مخه د ښځو پر ضد د خپلو بندیزونو په اړه د ملګرو ملتونو د امنیت شورا پریکړه لیک ته په غبرګون کې ویلي، چې د ښځو په اړه پریکړه د افغانستان داخلي موضوع ده.
د طالبانو ویاند ذبیح الله مجاهد د قطر غونډه کې د دوی د استازي پر نه ګډون نیوکه کړې او ویلي، چې د دوی استازیتوب پکې اړین و.
د ملګرو ملتونو امنیت شورا د ۲۶۸۱ پرېکړهلیک په تصویبولو سره، په افغانستان کې د ملګرو ملتونو په دفترونو کې د ښځو پر کارکولو بندیز غندلی او له طالبانو یې غوښتي ، چې ژر تر ژره د ښځو پر وړاندې خپلې وروستۍ پرېکړې بېرته لغوه کړي.
په ورته مهال، د هندوستان په کوربه توب د شانګهای د سیمه ییزو همکاریو سازمان په وروستۍ غونډه کې د روسیې د دفاع وزیر له افغانستان څخه د سیمې هېوادونو ته د تروریستي خطرونو د شدت خبر ورکړی.
د طالبانو رژیم دغه تور رد کړی او ویلي، چې برعکس افغانستان ته د سیمې له هېوادونو د نا امنۍ لپاره بهرنیان راځي.
شنونکي باور لري، چې د طالبانو رژیم د سیمې او نړۍ خاصتاً د روسیې او امریکا تر منځ د اړیکو په متوازن ساتلو کې سختو ننګونو سره مخ دی.
تندیېه ماتوم د لږومه خو د نه
د الله ج له قهره مو وساتې پاتی شول دا د یهودو بندیزونه به تر هغه ختم نشی تر څو چه حق ویل او غوښتل بند نشی.
الله ج ته به سوال کوو چه صبر او استقامت راکړې.
نو بیا دې ورته د سوال او ګدایۍ لمن ولې غوړولې او مرسته ترې غواړې. نړې درته نصیحت کوی چې پخپل ولس ظلم مه کوه او د کار او تعلیم له مسلم حق نه یې مه بې برخې کوه . ته وایې دا خو د کفارو او یهودو دسیسه ده، کوم سلیم عقل یې درسره منی؟
رویټرز خبري اژانس ویلي، چې تېره ورځ په کشمیر کې د وسله والو پر ضد د عملیاتو پر مهال د هند د پوځ پنځه سرتیري وژل شوي او یو بل تن یې ټپي شوی دی.
کابل نیوز