تاند:( سې شنبه ، د غویي ۶ )  د امریکا پخواني ولسمشر ډونالډ ټرمپ ویلي چې په ۲۰۲۱ کال کې له افغانستانه د بهرنیو ځواکونو له وتلو وروسته طالبانو ۷۰۰ زره میله امریکايي وسلې ترلاسه کړې دي.

د امریکا پخواني ولسمشر همداراز ادعا کړې، چې هېواد یې د افغانستان پخواني حکومت ته د موټر، الوتکو او توپونو په ګډون د ۸۵ میلیاردو ډالرو په ارزښت تجهیزات ورکړي دي.

ډونالډ ټرمپ طالبانو ته په اشارې سره وویل: دوی پاتې نور خرڅوي او شتمني ټولوي. موږ دا وسایل هلته پرېښودل.»

هغه په ​​افغانستان کې د امريکا د پاتې وسايلو پر راستنېدو په ټينګار سره وويل: “زه هر مېخ، هر بولټ، هر بولټ او نټ غواړم، هغه لويې خېمې غواړم.” زه دوی ټول غواړم.”

طالبانو د ټرمپ څرګندونو ته کوم غبرګون نه دی ښودلی.

د ټرمپ دا څرګندونې په داسې مهال دي، چې په امریکا کې د ولسمشرۍ ټاکنې په مخکې دي.

د څارونکو په باور، ټرمپ چې طالبانو سره یې د دوحې تړون لاسلیک کړ، د دوی د بیا واک ته رسیدو معامله د تېرو ولسمشریزو ټاکنو د ګټلو لپاره وکړه.

له ټرمپ پرته نورو خلکو هم طالبان تورن کړي، چې په افغانستان کې ور پاتې امریکايي تجهیزات پلوري او قاچاق یې کوي.