تاند:( سې شنبه ، د غویي ۶ ) د صنعت او سوداګرۍ وزارت لپاره د طالبانو د رژیم چارواکي وايي، چې په یوه کال کې یې د سوداګرۍ او پانګونې په برخو کې کورنیو او بهرنیو سوداګرو ته تر ۲۸۰۰ ډير جوازونه وېشلي دي.
د طالب چارواکو په خبره، چې ۲۶۷۹ نوي جوازونه صادر شوي او ۷۲۲۷ جوازونه تمدید شوي دي.
سرچینه له نورو جزیاتو پرته ادعا کوي، چې د دې ترڅنګ یې په ګڼو نورو برخو کې هم پانګوالو او سوداګرو ته اسانتیاوې رامنځته کړې دي.
دا په داسې حال کې ده، چې یو شمېر خلک د طالبانو ورته څرګندونو ته د شک په سترګه ګوري او ورسره دوی د سوداګرو ترڅنګ په عمومي ډول پر خلکو د مالیو په زیاتولو تورنوي.