تاند:(سې شنبه، د غویي ۶) په پکتيا کې د سپينې شګې په تفريحي سيمه کې د ګلبڼ مشاعره ترسره شوه
د پکتيا د اطلاعاتو او کلتور رياست لپاره د طالبانو چارواکو ویلي، چې دا مشاعره د دوی له لوري د ځاځي آريوب ولسوالۍ د سپينې شګې په سياحتي او تفريحي سيمه کې ترسره شوې ده.
د پکتيا پر اطلاعاتو او کلتور ریاست د طالبانو واکمن قاضي ثواب جان اسلام يار ویلي، چې دغه مشاعره د لومړي ځل لپاره د ګلبڼ په نوم په سپينې شګې تفريحي سيمه کې ترسره شوه.
سرچینه زیاتوي، په دې مشاعره کې د هېواد په کچه له مختلفو ولايتونو څخه نوموتو شاعرانو، فرهنګپالو او د شعر مينوالو پکې ګډون کړی و.
د فرهنګي چارو شنونکي بیا باور لري، چې طالبانو د نورو برخو ترڅنګ فرهنګي غونډې او مشاعرې هم په خپلو تبلیغاتي ابزارو بدل کړي، چې له دې امله د هېواد فرهنګ او ادب ته هم زیان رسیدلی.