تاند(جمعه، د حمل ۳۱مه) د کاناډا د تورنتو ښار په پیرسن نړیوال هوايي ډګر کې د څه باندې ۲۰ میلیون کاناډايي ډالروپه ارزښت سره زر او نور قیمتي شیان د دوشنبې په ورځ (د اپریل ۱۴ مه) غلا شوي دي.
پولیس وايي چې د دې غلا په اړه، چې په کاناډا کې یوه تر ټولو ستره غلا ګڼل کېږي، پلټنې کوي.
تر دې وړاندې په کاناډا کې په ۲۰۱۱ کال د ۱۹ میلیون امریکايي ډالرو په ارزښت په کیبک ایالت کې ۳ زره ټنه (مپل) شربت غلا شوي وو.
د کاناډا څه باندې ۲۰ میلیون ډالره، د امریکا له څه باندې ۱۵ میلیون ډالرو سره برابرېږي.
د سرو زرو او نورو قیمتي وسایلو پېټی د دوشنبې په مازدیګر له الوتکې کښته او د بار ګدام ته یووړل شو.
پولیس وايي چې غلا له ګودام څخه شوې ده.
د تورنټو سن ورځپاڼې د پنجشنبې د ورځې د راپور له مخې، پولیس ګومان کوي چې منظمې جنايي ډلې په دې غلا کې لاس لري.