تاند: ( يک شنبه، د حمل ۲۷ مه) په ترکېه کې د ولسمشريزو ټاکنو له کمپاينونو سره هم مهاله، د دغه هېواد حکومت څه باندې ۳ زره افغان پناه غوښتونکي له خپلې خاورې شړلي دي.
ترکېه کې په ناقانونه توګه د میلیونونو کډوالو موجوديت د دغه هېواد د ولسمشريزو ټاکنو د کمپاينونو يو مهم بحث دی.
ویل کیږي، چې د دغو کمپاينونو پر مهال مخالف نوماند پر ولسمشر اردوغان د ناقانونه پناه غوښتونکو پر وړاندې د کمزوري عمل له امله سخت فشار اچولی دی.
د راپورونو له مخې، د اردوغان حکومت د دغو فشارونو په مقابل کې د زرګونو افغان کډوالو د ويستو امر کړی.
راپورونه څرګندوي، چې يوازې تېرو درېيو مياشتو کې ترکېې له خپلې خاورې تر ۳ زرو زيات افغان پناه غوښتونکي ويستي.
د ځینو ارقامو پر بنسټ، په ترکیه کې شاوخوا درې سوه زره افغان پناه غوښتونکي مېشت دي.
له دوی څخه يوه لويه برخه یې د طالبانو له بيا واکمنيدو وروسته، دغه هېواد ته تللي چې د جمهوري نظام مخکښې څېرې او منسوبین هم پکې شامل دي.
ځواب يې اخوانيان ورکړي. دوی اردوغان د اسلامي امت امير بولي، نو د مسلمان امت په دې سختو شرايطو کې چې خلک له هېواده تښتي، نو د اسلامي امت امير يې بيرته ورليږي.