تاند: ( دو شنبه ، د حمل ۱۴ مه) د تورخم ښارګوټي لپاره د طالبانو چارواکي وايي، چې نن دوشنبه د پاکستان هېواد له لوري ۴۹ تنه هغه افغان ځوانان چې پاکستان هېواد کې د اسنادونو نشتون له امله نیول شوي و، تورخم کې د مهاجرینو امریت ته وسپارل شول.
سرچينه زياتوي، په دغو ډيپوټ شویو افغانانو کې د لوګر، مزار ننګرهار، سمنګان، کندز او کونړ ولایتونو ځوانان شامل وو.
طالب چارواکو په دې اړه نور جزییات نه دي ورکړي.
پاکستان معمولا دغه هېواد ته د نا قانونه سفر په تور نیولي افغان بندیان له زندانونو څخه تر خوشې کولو وروسته طالبانو ته سپاري.
طالب چارواکي لا د افغان کډوالو د نه بندیانولو په اړه د پاکستاني چارواکو په قانع کولو نه دي توانېدلي.