تاند (یکشنبه، د حمل ۱۳ مه) د طالبانو حکومت ادعا کوي چې هغه کس یې نیولی دی چې په مزارشریف کې یې د دوی د والي داوود مزمل په ترور او د تبیان مرکز په انتحاري حملې کې لاس درلود.
د طالبانو د استخباراتو ادارې په یوه خپره کړې ویدیو کې هغه کس ښودلی چې دوی ادعا کوي د داعش غړی دی او په وروستیو حملو کې یې لاس درلود.
د دې ویدیو پر اساس، نیول شوی کس ځان عین الدین معرفي کوي او وايي چې شاوخوا دوه نیم کاله پخوا له داعش سره یوځای شوی و.
نوموړی د طالبانو د بلح د والي، د تبیان مرکز، د ایبک دیني مدرسې او د مزارشریف د سې دوکان د جومات په شمول په هغو تروریستي بریدونو کې، چې د طالبانو له واک ته رسیدو وروسته شوي، لاس لرل تاییدوي.
ده همداراز په خپل اعتراف کې ویلي چې په تبیان کلتوري مرکز کې له چاودنې وروسته یې په مزارشریف او فاریاب کې د حملو لپاره څو څایونه په نخښه کړي وو خو ونیول شو.