تاند:( پنجشنبه، د حمل ۱۰ ) د جوزجان د اطلاعاتو او کلتور رياست له لوري پسرلي ته د ښه راغلاست په مناسبت د لاله ګل پسرلنۍ مشاعره ترسره شوه، چې پکې یوشمېر شاعرانو، فرهنګپالو، ليکوالانو او محصلينو ګډون درلود.
د دې ولایت د اطلاعاتو او کلتور لپاره د طالبانو رئيس مولوي سيف الدين معتصم په دې مشاعره کې ویلي، چې دا مشاعره پسرلنۍ وه.
هغه دغه راز په دې مشاعره کې د طالبانو د شل کلنې جګړې او اوسني رژیم ستاینې کړي دي.
د طالب چارواکو دا ډول څرګندونې د فرهنګیانو نیوکو سره مخ دي او په ډېرو ولایتونو کې دوی ورته غونډې تحریم کړي.