تاند:( پنجشنبه، د حمل ۱۰ ) د طالبانو د رژيم لوی درستیز فصیح الدین فطرت ادعا کوي، چې داعش په افغانستان کې کمزوری شوی او هره ورځ له منځه ځي.
هغه په یوه ټلویزوني مرکه کې وویل: هغه محدود تخریبي فعالیتونه چې داعش په ځینو سیمو کې لري د اندیښنې وړ نه دي. دوی هیڅ نظامي جبهه نه لري او د پخوا داعش په افغانستان کې کمزوری شوی دی.
فطرت زیاته کړه: په هر حال د نړۍ ځینې هیوادونه په افغانستان کښې د دغې ډلې د شتون په اړه په تبلیغاتو د سیمې د هېوادونو او افغانانو اندیښنې زیاتوي.
دا په داسې حال کې ده چې د امریکا د پوځ د مرکزي قوماندانۍ مشر جنرال مایکل کوریلا د مارچ په وروستیو کې ادعا کړې وه چې داعش به د دوبي په لومړیو کې له افغانستان څخه پر امریکا او لویدیځ برید وکړي.
دغه امریکايي جنرال د طالبانو تر واکمنۍ لاندې په افغانستان کې د داعش خراسان ډلې فعالیتونه مخ په زیاتیدو بولي.
د طالبانو ویاند ذبیح الله امریکا په افغانستان کې د داعش ډلې د حضور په اړه په تبلیغاتو تورنه کړې او د دې کار د پای ته رسولو غوښتنه یې کړې ده.
دا په داسې حال کې ده، چې وخت په وخت د داعش ډلې د بریدونو خبر ورکول کیږي،تر دې چې دغه ډله په تېرو درېیو میاشتو کې دوه ځلې کابل کې د بهرنیو چارو وزارت پر سړک مرګوني ځانمرګي بریدونه وکړل او هم یې بلخ کې د طالبانو والي د نوموړي په دفتر کې وواژه.
ویل کیږی د طالبانو والی چي د کانال نهرونه یی په مړو ډک کړی وو ، ټولې وژنې یی د ایران د ظالمو حکامو لپاره تحفه وه حتی په نامه سلفی چي غیر له کتاب څخه یی کومه وسله یا تخریبی حرکت هم نه درلود، په سلهاوو ، اجرتی قصابانو وژلی ، دا کوم اسلام دی ؟ چي په مختلفو نومونو او حرکتی ټاپو
افغان مومن ولس له قتل،ع نه مړیږی، دا ټول د اجرتی قاتل په رول کې مسلمان وژنه ده چي احمقان یی مرتکب کیږی او دا وژنې بلا دلیل د نورو د خوش خدمتی لپاره منحیث ملت وژنه دوام لری، هل هذا هوالاسلام ؟ یا کلاب الامه