تاند:( دوشبنه، د حمل ۷ ) د امریکا د جیولوژیکي سروې ادارې (USGS) راپور ورکړی چې د ریختر په کچه ۴.۲ درجې زلزلې د افغانستان شمال ختیځ لړزولی.
د خپرو شويو معلوماتو له مخې، دغه زلزله د دوشنبې په ورځ د سلواغې په ٧مه، د فرخار په ٢٥ کيلومترۍ کې د تخار ولايت د فرخار ولسوالۍ په جنوب کې د سهار په نیږدې پینځو بجو رامنځته شوه.
د دې طبیعي پېښې د احتمالي زیانونو او تلفاتو په اړه تر اوسه معلومات نه دي خپاره شوي.
تېره اوونۍ د ریختر په کچه ۶،۸ درجې یوې زلزلې چې مرکز یې د بدخشان په جرم ولسوالۍ کې و، افغانستان، تاجکستان، پاکستان او هند هم ولړزول.
د افغانستان له طبیعي پېښو سره د مبارزې وزارت تېره ورځ د کره شمېرو له وړاندې کولو پرته وویل، چې د تېرې اونۍ زلزلې افغانانو ته مرګ ژوبله اړولې ده.