تاند:( دوشبنه، د کب ۲۹) د طالبانو د کډوالو چارو وزارت وایي، چې د هرات ولايت د اسلام قلعه بندر له لارې د ايران هيواد څخه د کب په ( ۲۸) مه (۲۰۱۷) تنه افغان مهاجرين هېواد ته راستانه شول.
سرچینه زیاتوي: د اسلام قلعه بندر د سرحدي آمر په خبره د يادو راستنېدونکو له ډلې ( ۴۲۳) تنه د مرستو په موخه د مهاجرت نړيوال سازمان (IOM ته ور وپېژندل شول.
دا په داسې حال کې ده، چې ستنیدونکي افغان کډوال د ایران له ناوړه چلند څخه شکایت کوي او وایي د طالبانو په همکارۍ بیرته هېواد ته شړل شوي دي.
خلک وایي، چې د طالبانو رژیم یې هېواد ته د ستنیدو په ارقامو خوشاله دی، خو په هېواد کې یې د خوندیتوب، کار او اولادونو د زده کړو شرایط نه دي برابر.
په بل ملک کي موږ ځای نه لرو که نن وي که سل کاله بعد خپل وطن ته مجبوره یو هغه که فقر کوو که غلا که تعلیم د خپل وطن غم او د ځان غم به خورو د بل په ملک کي زموږ نه تعلیم سته نه کاروبار
ګل خبره د کړې ځوانه ، دا پتریياتیزم ، غیرت او مسئولیت دی ! خو متاسفانه په وطن کې یاغله په قدرت وي یا جاهل مذهبي لېونیان!