تاند:( چار شنبه، د کب ۲۴) د تخار ولایت سیمه ییزو سرچینو ویلي، چې په یوه ترافیکي پېښه کې ۲۲ کان کیندونکي وژل شوي او شپږ نور ټپیان شوي دي.
دغه پیښه د تخار ولایت د چاه اب ښار د انجیر په کلي کې هغه مهال رامنځ ته شوه، چې یاد کان کیندونکي په موټر کې سپاره د « پستې مزار» د سرو زرو کان ته په لاره وو.
ويل کيږي چې د موټر چلوونکي تېز رفتار او بې احتياطي د دغې خونړۍ پېښې لامل شوې ده.
د دې پېښې د ټپيانو روغتيايي حالت چې د تخار مرکزي روغتون ته لېږدول شوى، د اندېښنې وړ بلل شوى دى.
د تخار ولایت سیمه ییزو چارواکو تر اوسه د دې ترافیکي پېښې په اړه څه نه دي ویلي.
چاه اب ښار د تخار ولایت د سرو زرو یو له سترو کانونو څخه دی او هره ورځ په سلګونو کسان په دغه کان کې کار کوي.
خدای دی وبخښی. خواری کښ خلګ وه، هیله چی د کورنی غړی ئی له رسمی امتیازاتو څخه بی برخی نه سی.