ابوبکر جبارخېل
د هند د بالیوود فلمي ستوری سنجې دت به په کاړمېډي هیراپېري ۳ کې راڅرګند شي چې پکې به د یوه ړانده ډان رول ولوبوي.
د هندۍ ورځپاڼې هندوستان ټایمز د راپور له مخې، د فرهاد سمجې په لارښوونه هیراپي ۳ فلم کې اکشي کمار، سنیل شیټي، کارتک آریان او پاریش راول هم کار کوي.
کله چې له سنجې دت څخه په هیراپېري 3 کې د اداکارۍ په اړه وپوښتل شو، ټایمز اف انډیا ته یې تایید کړه چې هغه به د ړانده ډان رول ولوبوي.
د فلم ټیم به سږ کال د هیراپیري 3 شوټینګ پیل کړي.
سرچینې په فلم کې د سنجې دت د رول په اړه وايي: «دا یو ډېر مهم رول دی. د ویلکم (2007) په فلم کې د فیروز خان رول ته ورته دی.
سنجې دت په مطبوعاتي کنفرانس کې وویل، “هو، زه دا فلم کوم، دا به ډیر په زړه پورې وي چې له ټول ټیم سره شوټینګ وکړي.” دا یوه لویه پروژه ده او زه ډیر خوښ یم چې د هغې برخه یم. زما اړیکه هم ډیره پخوانۍ ده او زه د پروډیوسر فیروز نادیادوالا سره ژورې اړیکې لرم.»
تېر کال په هیراپېري ۳ کې د کارتیک آریان رول تایید شو، خو تر اوسه څرګنده نه ده چې اکشې کمار به په دې فلم کې کوم رول ولري. تېر کال اکشې کمار ویلي و چې په هیراپېري ۳ کې به برخه نه اخلي، خو د روان کال په فبرورۍ کې یې د فلم لپاره پرومو شوټ وکړ.
د هیراپيري لړۍ لومړی فلم د پریا درشن لخوا لارښود شوی او په 2000 کې خپور شو. دا د 1989 ملیالم فلم رامجی راو ریمیک و.
نیرج ووهرا د فلم سیکویل، فر هیره پری، چې په 2006 کې خپور شو لیکلی او لارښود کړی. په دواړو فلمونو کې اکشې کمار، پریش راول او سنیل شیټي رول درلود.