تاند- د اسیايي سنوکر سیالیو په ۳۷ م پړاو کې، چې د قطر په کوربه توب وشوې، افغان لوبغاړي صالح محمد محمدي خپل کویټي سیال عبدالله ته۴-۱ ماتې ورکړه.
د افغانستان بدني روزنې او سپورټ ریاست د معلوماتو له مخې، په دې سیالۍ کې چې نن (شنبه) په دوحه کې وشوه، ښاغلي محمدي د سنوکر له ۵ میدانونو ۴ وګټل او د دې سیالۍ ګټونکی اعلان شو.
دغه راز په دې سیالیو کې د افغانستان په استازولی بل لوبغاړی ریس خان سنزی هم نن د کابل پر وخت د شپې اته نیمې بجې له خپلاردني سیال سره لوبه کوي.
د اسیا سنوکر ۳۷ پړاو سیالۍ به د مارچ تر اتلسمې نېټې پورې دوام وکړي. په دې سیالیو کې له ۲۵ هېوادونو څخه ۴۹ لوبغاړو ګډون کړی.