تاند:( شنبه، د کب ۲۰) د کندز هوايي ډګر د سړک کانکرېټ اچونې چارې پیل شوې.
د دغه ولایت لپاره د طالبانو د رژیم چارواکو ویلي، چې یاد شوی سړک څه د پاسه څلور کيلو متره اوږدوالى او شپږ متره سور لري.
د کندوز ولایتي ادارې ویلي، چې پر دغه سړک څه د پاسه ٢٥ ميليونه افغانۍ لګښت راځي.
سرچینه زیاتوي، چې دغه سړک کندوز ښار له قول اردو سره نښلوي او د جوړیدو بودیجه یې د طالبانو د دفاع وزارت له لوري ورکول کیږي.
ویل شوي، چې دا سړک به دوو میاشتو کې جوړ او خلکو ته ډېره ګټه ورسوي.