تاند:( دوشنبه، د کب ۱۵) د پاکستان په بلوچستان ایالت کې د پولیسو موټر ته څېرمه د ځانمرګي برید له امله ۹ تنه وژل شوي او ۱۵ نور ټپیان شوي دي.
د ځایي چارواکو د معلوماتو له مخې، په دې پېښه کې د درېيو ټپيانو روغتيايي حالت د اندېښنې وړ ښودل شوى دى.
تر اوسه د دې برید مسوولیت چا په غاړه نه دی اخیستی.
دا برید په داسې مهال شوی، چې پاکستان نن له امریکا متحده ایالاتو سره په اسلام اباد کې د ترهګرۍ ضد مبارزې په اړه د دوه ورځینیو خبرو کوربه دی.
ځینې شنونکي وروستۍ پېښې په دغو مذاکراتو کې امریکا ته د پاکستان له لوري د ځان مظلوم ښودلو هڅه ګڼي، څو په دې نوم امریکا نه د ترهګرۍ ضد مبارزې په پلمه پیسې ترلاسه او خپل شړیدلی اقتصاد پرې ورغوي.