تاند:( دوشنبه، د کب ۱۵) د پاکستان پولیس پرون په لاهور ښار کې د دغه هېواد د مخکیني صدراعظم عمران خان د نیولو لپاره د نوموړي کور ته ورغلل، خو په لاس ورنغی.
د پولیسو چارواکو ویلي وو، چې عمران خان یې په کور کې نه دی موندلی.
عمران خان څو ځله د ځینو تورونو د سپينولو لپاره د پاکستان محکمو ورغوښتی و، خو هغه نه و حاضر شوی.
د عمران خان پلویانو د هغه د نیول کیدو د پریکړې خلاف لاریون کړی، خو نه یې دي ویلي چې هغه چېرته و او ولې نه دی حاضر شوی، چې پولیسو سره محکمې ته د ځواب ویلو لپاره لاړشي.
عمران خان کور ته یې د پولیسو له ورتلو یوه ورځ مخکې په یوه ویډیويي پيغام کې په حیرانونکي ډول ویلي و، چې خپلو سیاسي مخالفانو سره د جوړجاړي لپاره خبرو ته چمتو دی.
د پاکستان واکمن حکومت، چې د عمران خان له مخالفو ګوندونو جوړ شوی، پر هغه د قانون د عملي کیدو ټینګار کړی.
اوس د پاکستان حکومت ونه وايي چې افغانستان ته تللی دی.