تاند: ( سې شنبه، د حوت ۹ ) د پاکستان پوځ خپل يو پخوانی جنرال امجد شعېب د بغاوت په تور نیولی او محکمې ته وړاندې کړی.
نوموړي په یوه خصوصي ټلویزون کې د مرکې پر مهال د پاکستان پر اوسني وضعیت او حکومت نیوکې کړې وې .
د پاکستان چارواکو پر هغه تور پورې کړی، چې دا خبرې یې د مخالفو ګوندونو د پارولو، کرکې خپرولو او شر جوړولو لپاره کړي، چې د هېواد امنیت او ثبات یې ورسره ګواښل کیږي.
پاکستان څه موده مخکې یو نوی قانون جوړ کړ، چې له مخې یې د دغه هېواد پر پوځ، استخباراتو او محکمې نیوکه کوونکي د خیانت په تور محاکمه او مجازات کیږي.
پاکستان د بیان ازادۍ له محرومو هېوادونو څخه ګڼل کیږي.
د دغه هېواد حکومت مخکې د پښتون ژغورنې غورځنګ پر رهبر منظور پښتین او خپلو نورو منتقدینو هم د خیانت تورونه لګولي وو.