تاند: ( شنبه، د حوت ۶ ) د پاکستان د فساد ضد محکمې دا ځل ګوښه شوی صدراعظم او د تحریک انصاف ګوند مشر عمران خان او د هغه ميرمنه بشرا بي بي ته امر کړی، چې د فساد ضد تورونو د سپینولو لپاره د مارچ په نهمه دغې محکمې ته حاضر شي.
پر عمران خان او مېرمنې یې د فساد تورونه د عمران د صدراعظمۍ پر مهال د دوی له لوري د ګران بیه ډالیو د ترلاسه کولو له امله لګول شوي.
پر دوی دا تور هم پورې دی، چې یادې ډالۍ یې د دولتي پروتوکول خلاف حکومت ته نه دي سپارلي.
عمران خان په دې اړه رسنیو ته څه نه دي ویلي.
عمران خان د خپلو مخالفانو خلاف تر اوسه په دې برلاسی و، چې هغوی یې په فساد تورنولی شول، خو ده د فساد دوسیه نه لرله.
شنونکي باور لري، چې که د عمران خان مخالفان د ده خلاف د فساد تورونه ثابت کړای شي، د را نیږدې ټاکنو په درشل کې به ورته لوی تاوان واړوي.
یره عمرانه یو خو تا مونږ وشرمولو، کاشکی دغه د پښتون نوم (خان) درباندی نوی پروت. کله درباندی یوه ښځه عریظه کوی او کله درباندی بله ښځه. اوس لا د فساد ضد محکمه هم درپسی شوه.