تاند:( شنبه، د دلوې پینځلسمه) ترکېه کې پر مشهور طالب پلوي شنونکي ډاکټر محمد هاتف مختار د برید خبر ورکړل شوی.
د نوموړي زوی ادعا کړې، چې ياد شوی برید د طالبانو د مخالفې مقاومت ډلې له لوري شوی.
د سرچينې د معلوماتو له مخې، پر ډاکټر مختار د چړې ګوزار شوی.
د ښاغلي مختار زوی د پلار د وضعيت په اړه ېې څه نه دي ويلي.
د طالبانو د اطلاعاتو او فرهنګ وزارت د رسنيو د څارنې رييس ملا عبدالحق حماد او نورو طالب مطبوعاتي څېرو پر نوموړي برید غندلی.
د ياد شوي بريد مسووليت چا نه دی منلی.
د هاتف مختار په اړه ويل کيږي، چې په جرمني کې ژوند کوي.
ترکېې ته د نوموړي د سفر موخه نه ده معلومه.
هغه نيږدې هره ورځ په ټلويزوني بحثونو او ټولنيزو رسنيو کې د طالبانو د ملاتړ لپاره فعال وي او له تر ټولو مشهورو پلویانو څخه یې دی.
د یو شخص یا ډلی یا سیاسی – اجتماعی – فرهنګی – مذهبی جریان څخه ملاتړ او نه ملاتړ د هر انسان مدنی حق دئ خو پدی شرط چی د ملاتړی یا نه ملاتړی منطق ئی د انسانی فطرت او حقائقو او واقعیتونو په دائره کی قوی او د منلو وړ وی.