تاند:( پنجشنبه، د دلوې دیارلسمه) په ملګرو ملتونو کې د پاکستان استازي منیر اکرم د افغان نجونو پر مخ د ښوونځيو او پوهنتونونو د تړلو پړه پر پښتني کولتور واچوله.
نوموړي په خپلو تازه څرګندونو کې ويلي:«د افعانستان د اوسني حکومت لخوا د نجونو پر تعلیم بندیزونه مذهبي ریښه نه لري، بلکې د پښتنو له کلتوره سرچینه اخلي چې ښځو ته په کور د کېناستو امر کوي.»
اکرم منير وایي، کلونه وشول چې پښتانه دغه کار ته د خپل ارزښت په سترګه ویني.
دې ورته ادعاوې د پاکستان ګوښه شوي صدراعظم عمران خان هم کړې وې، چې په پراخه کچه د پښتنو توندو غبرګونونو سره مخ شوی و.
پاکستان په داسې حال کې د افغانستان د حاکمې ادارې د ورته پريکړو داسې توهينونکي توجيهات جوړوي، چې د افغانستان په مختلفو سيمو کې د پښتنو قومي مشرانو څو ځلې د جرګو په فيصلو د نجونو ښوونځي پرانيستل او د طالبانو له لوري يې شکنجې وزغملې.
کتونکي باور لري، چې پاکستان او پر افغانستان حاکمه روزلې ډله يې د افغان نجونو د زده کړو او کار د حقونو د نقض لپاره په اسلامي دليل موندلو نه دي توانيدلي، ځکه اوس د پښتنو په اړه داسې له سپکاوي ډکې خبرې کوي او نړۍ ته يې د پوهې دښمنان غواړي معرفي کړي.
پښتون د نجونو د تعلیم ملاتړی دی مګر تور پنجاب جاهل پښتانه ملایان تیرباسي او د نجونو د تعلیم مخه نیسي. لعنتي ملایانو بس دی اوس خو د پنجاب په دوه مخيتوب پوه شئ. هم یې درباندې کوي او هم یې درباندې پاکوي.
په دې کې شک نه شته چې په اسلام کې زنانه د کافرو معادل دي او پښتانه د هماغه اسلام ټیکه داران دي !
که پنجابیان په خپله خبره ولاړ وی ، نو یو ځل د خپلو بړېڅو ته امر وکړي چې د نجونو ښوونځي دې بېرته پیل شي ، تاسې به وګورئ چې د پښتنو په سیمو او ولایتونو کې به میلیونونه نجونې ښوونځیو ته حاضرې شي .
افسوس خبره داده چې تاسو اوس افغانستان د خپلو متعصبو ، جاهلو ، اسلام او پښتون ضد ملایانو او اجیرانو پواسطه اداره کوئ .