تاند:( چارشنبه، د دلوې پینځمه)‏ ‏په خوست کې زرګونو ولسي خلکو په سويډن کې د مسلمانانو د مذهبي کتاب قرآن کريم د سپکاوي پر ضد پراخ لاريونونه کړي.

لاریون والو د يوه سويډني له لوري دغه ترسره شوی عمل غندلی او د سويډن د حکومت له لوري يې ياد شوي کس ته د سزا غوښتنه کړې ده.

مخکې د طالبانو د رژيم د بهرنيو چارو وزارت هم ياد شوی عمل غندلی و.

د سويډن حکومت هم دا پېښه غندلې.

د افغانستان په ډېرو سيمو کې پخوا هم د اسلامي مقدساتو د سپکاوي خلاف پراخ لاریونونه کېدل.