تاند:( دوشنبه، د دلوې درېیمه) د افغانستان د ملي او پښتني بانکونو پخوانی رييس عبدالعزيز بابکرخيل د طالبانو د اړيکو کميسيون له لارې له ناروې څخه هيواد ته راستون شو.
نوموړي په هوايي ډګر کې رسنیو ته وويل، چڅ وطن ته په راتګ سره يې د خوښۍ احساس وکړ.
بابکرخېل د جمهوري نظام په وروستيو کې د يوې دوسيې له امله بندي شوی و، چې وروسته په ضمانت را خوشې شو.
د طالبانو د اړيکو کميسيون ويلي، چې تر اوسه نيږدې پينځه سوه تنه پخواني چارواکي، سياسي څېرې او د جمهوري نظام منسوبین ورسره د اړيکو له لارې هېواد ته راستانه شوي دي.