پنجشنبه, جولای 25, 2024
Homeخبرونهد اسلامي همکاریو سازمان په افغانستان کې د ۳ ميليونو ډالرو مرستې...

د اسلامي همکاریو سازمان په افغانستان کې د ۳ ميليونو ډالرو مرستې پيل کړې

تاند:( جمعه، د جدي ۳۰)‏ د‌افغانستان لپاره د اسلامي همکاریو د سازمان استازي دکتور محمد سعید آل عیاش د طالبانو د بهرنیو چارو له وزیر مولوي امیرخان متقي سره ليدلي.

د متقي دفتر وايي د لیدنې په پیل کې سعید د سازمان د سرمنشي حسین ابرهیم طه له لورې د بهرنیو چارو وزارت مخته پر غزېدلي سړک د خونړۍ پېښې په تړاو د تسلیت پیغام شریک کړاو دا یې یوه دردناکه پېښه وبلله.

نوموړي افغانستان ته د O.I.C په مشرۍ د اسلامي نړۍ د علماوو او بشري مرستو رسونې په برخه کې د تخنیکي هېئتونو د راتګ خبر ورکړ، دغه راز نوموړي وویل چې نن د دغه سازمان له لورې د درې میلیونه ډالرو مرستو د وېش بهیر پیل شو.

ورپسې ملا متقي د هغوی له غمرازۍ مننه وکړه، له افغانانو سره د هغوی مینه او اخلاص یې د ستاینې وړ وباله او هیله یې وښوده چې ياد شوی سازمان د دوی رژيم سره خپل تعامل ته دوام ورکړي.

يو شمېر خلکو بيا پر ياد شوي سازمان او اسلامي هېوادونو نيوکې کړي، چې افغانستان سره يې په سخت وضعيت کې هيڅ د پام وړ مرسته نه ده کړې.

LEAVE A REPLY

Please enter your comment!
Please enter your name here

- Advertisment -

ادب