تاند:( یکشنبه، د جدي ۲۵) د نورستان د پوهنې ریاست طالب چارواکي وايي، چې د پوهنې وزارت د عمومي زده کړو په برخه کې ۹۷ زره ټوکه تدریسي کتابونه ور استولي دي.
د دې ولایت د پوهنې طالب رئیس مولوي تاج محمد مطمین وايي، یاد کتابونه به د نورستان ولسوالیو د پوهنې آمریتونو ته د زده کوونکو د وېشلو لپاره ولېږدول شي.
نوموړي زياته کړه: پوهنې وزارت دغه رياست ته ٢٥٠ زره ټوکه درسي کتابونه تخصيص کړي دي او که دغه شمېره راولیږي، نو د درسي کتابونو د کمښت له امله د زده کوونکو د زده کړې ستونزې به هوارې شي.
نورستان له ډېرو محرومو افغان ولایتونو څخه دی، چې د طالبانو له بيا واکمنيدو سره ورته د زياتې شوې پاملرنې خبرونه ورکول کېږي.