دوشنبه, مارچ 4, 2024
Home+مایکروسافټ د وینډوز ۷ ملاتړ پای ته ورساوه

مایکروسافټ د وینډوز ۷ ملاتړ پای ته ورساوه

تاند- مایکروسافټ اعلان وکړ چې نور به نه وینډوز ۷ اپ ډېټ کوي او نه به یې امنیتي یا سیکوریټي ملاتړ کوي.

د مایکروسافټ کمپنۍ افتا یا د ستراتیژۍ د لارښوونې مرکز ویلي چې د پنجشنبې له ورځې چې د جنورۍ له دوولسمې سره برابریږي، د وینډوز ۷ اپ ډیټ او امنیتي ملاتړ په بشپړ ډول درول شوی دی.

مایکروسافټ د ۲۰۰۹ د اکتوبر په ۲۲ مه د وینډوز ۷ د راایستلو په مهال ژمنه کړې وه چې تر لسو کلونو پورې به د دې سیستم ملاتړ ته دوام ورکړي.

حاضردمه په نړۍ کې د ټولو وینډوزونو د کاروونکو په منځ کې ۱۱ سلنه له وینډوز ۷ څخه کار اخلي.

مایکروسافټ وايي، که څوک اوس هم وینډوز ۷ لري، وینډوز ۱۱ ته اپ ګرېډ کېدای نه شي خو لا هم وینډوز لس ته اړول کېدای شي.

ټاکل شوې ده چې مایکروسافټ د وینډوز ۱۰ ملاتړ د ۲۰۲۵ د اکتوبر په ۱۴ مه پای ته ورسوي. له همدې کبله مایکروسافټ خپلو مشتریانو ته سپارښتنه کوي چې خپل وینډوز ۱۰ پر وینډوز ۱۱ واړوي.

مایکروسافټ د وینډوز ۸ اعشاریه ۱ ملاتړ هم درولی دی.

په نړۍ کې یوازې ۲ اعشاریه ۵۹ مشتریان د مایکروسافټ له ۸ اعشاریه ۱ وینډوز څخه کار اخلي.

مایکروسافټ به راتلونکې اوونۍ د (Microsoft Edge 109) ورژن راوباسي.

د مایکروسافټ په شان ګوګل هم ویلي چې د فبرورۍ له میاشتې څخه ښايي په ګوګل کروم کې د وینډوز ۷ او وینډوز ۸ اعشاریه ۱ ملاتړ بس کړي.

LEAVE A REPLY

Please enter your comment!
Please enter your name here

- Advertisment -

ادب