تاند:( شنبه، د جدي ۲۴) د مزار شريف لپاره د طالبانو د ښاروالۍ چارواکو د دغه ښار کامګار څلور لاری ( چې په چهار راهی اسپها) مشهور و، ويجاړ کړی دی.
د بلخ د اطلاعاتو او فرهنګ رياست يوه مقام
عطا محمد ساهو ویلي، چې د دغه څلور لاري د بیرته جوړولو لپاره ېې له کامګار شرکت سره خبرې کړي او یو مناسب بدیل به ورته رامنځته کړي.
د دغه څلور لاري د ویجاړولو اصلي دليل په دغه څلور لاري کې د اسونو د مجسمو موجوديت ښودل شوی.
طالبان له عکسونو، مجسمو او ډېرو نورو هنري توکيو سره د افراطي مذهبي باورونو له مخې حساسيت لري.
د طالبانو چارواکو د خپلې تېرې واکمنۍ پر مهال د باميانو د بودا دورې لرغوني بتان هم نړولي وو، چې دغه عمل ېې د افغانستان تاريخ او فرهنګ سره لوی ظلم ګڼل کېږي.