تاند(جمعه، د جدي ۲۳مه) د افغانستان د کرکټ نامتو لوبغاړي راشد خان ویلي چې د افغانستان له ملي لوبډلې سره د درې یو ورځنیو سیالیو د لغوه کېدو په اعتراض کې به د استرالیا د غوره لیګ سیالۍ بایکاټ کړي.
د استرالیا د کرکټ ادارې نن (جمعه) د خپلې دې پرېکړې ننګه وکړه چې د افغان ښځو او نجونو د تعلیم او کار د مخنیوي په خاطر یې له افغانستان سره درې ورځینۍ سیالۍ لغوه کړي دي.
راشد خان پر خپله ټویټرپاڼه کښلي چې د استرالیا پرېکړې سخت خواشینی کړی دی.
ده همداراز لیکلي چې کرکټ د افغانستان یوازینۍ هیله ده او لوبې سیاست سره مه ګډوئ.
Cricket! The only hope for the country.
Keep politics out of it. @CricketAus @BBL @ACBofficials ♥️ 🇦🇫 ♥️ pic.twitter.com/ZPpvOBetPJ— Rashid Khan (@rashidkhan_19) January 12, 2023
راشدخان زیاته کړې، که استرالیا له افغانستان سره په مسابقه کې ارام نه احساسوي، دی هم نه غواړي چې د استرالیا په بیګ باش کې په خپل ګډون څوک نارامه کړي.
ټاکل شوې ده چې د کرکټ نړیواله شورا یا آی سي سي په مارچ میاشت کې د افغانستان د کرکټ په اړه غونډه وکړي.
داسې اندېښنه شته چې په دې غونډه کې د افغانستان د کرکټ ملي لوبډله له نړیوالو سیالیو منع شي.