تاند:( جمعه، د جدي ۲۳) په افغانستان کې د سختې يخنۍ او بادونو د څپې له پیل سره له نيمروز ولايت څخه د ۷ تنو د مړينې خبر ورکړل شوی.
سیمه ییزو سرچینو ویلي، چې په دغو کسانو کې ۶ تنه د نيشه يي توکيو کارونکي او يوه بله بې سرپرسته ښځه ده.
ويل شوي، چې يادو کسانو سرپناه نه لرله.
نیمروز ولایت د افغانستان له هغو ولايتونو څخه دی، چې سخته او سړه سېلۍ لري.
د طالبانو د حاکمې ادارې ځايي چارواکو ويلي، چې د نيشه يي توکيو ۸۰۰ نور معتادین ېې مناسبو سیمو ته لېږدولي.
له نيمروز او نورو ولايتونو څخه د سختې سېلۍ له امله د يو شمېر کورونو د نړیدو او مالي زيانونو خبر هم ورکړل شوی.
اوړمه شپه په کندهار کې یوه څو مياشتينۍ بېوزله ماشومه هم، چې کورنۍ ېې سرپناه نه لرله، د سختې يخنۍ له امله مړه شوې وه.
د کندهار لپاره د طالبانو چارواکو له دغې کورنۍ سره د خوراکي توکيو د مرستې خبر ورکړی.
۱ – د ” ملاهیبت ” لخوا د رامنځته سوی ” جهنم ” تودو څپو او د ” طبیعت ” لخوا د را منځته سوی ” زمهریر ” یخو څپو د مظلوم وولس دواړه باړخوګان ور پړسولی دی.
۲ – دا یخ ځپلی او یخ وژلی ښځه دی خدای وبخښی البته دا نشه یان د ګُره زامن دی هم خدای وبخښی خو دومره ګټه ئی وکړه چی د نورو مخدره موادو د رانیولو روپی ور وسپمیدی.
۳ – آخرالزمانی پیښی دی، د ګرمسیر کندهار د حرارت درجه ” منفی ” شپږ ده او د شمالی اروپا په ډیرو برخو کی د حرارت درجه ” مثبت “شپږ ده.
۴ – افغانستان د نړی د عجائبو هیوادونو څخه ګڼل کیږی ( هم تیل لری، هم ګاز او هم د ډبرو سکاره او هم ګڼ ځنګلونه خو اوسیدونکی بیچاره ګان ئی د ژمی په موسم کی د لوږی څخه دومره نه کړیږی لکه د یخنی څخه) .