تاند:( پنجشنبه، د جدي ۲۲) جلال اباد کې د طالبانو د حاکمې ادارې ځايي چارواکي وايي، چې د کرکټ ملي لوبډلې يو لوبغاړی فرید ملک یې له غلو ژغورلی.
د ننګرهار لپاره د طالبانو د والي مطبوعاتي دفتر په یوه اعلامیه کې لیکلي:« د غلو شپږ کسیزې ډلې څلور تنه چې په يوې ريکشا کې سپاره وه په يو چيک پواينټ کې يو ميل تومانچې او برنچې سره ونيول شول، چې له څېړنو وروسته یې دوه ملګري نور د فرید ملک کور ته نږدې په يو بل کور کې وموندل شول.»
د سرچينې د معلوماتو له مخې نيول شویو غلو اعتراف کړی، چې د فرید ملک په نوم د کرکټ ملي لوبډلې لوبغاړي څخه يې د غلا کولو پلان جوړ کړی و؛ خو هدف ته له رسیدو وړاندې ونيول شول.
فرید ملک او تورنو کسانو په دې اړه څه نه دي ويلي.